जंक्शन केर बाहरी वॉल पर ठीक संस्कृत विवि भवन मे कएल कलाकृति आ रंग-रोगन केर उपयोग कएल गेल अछि. रेलवे अधिकारी एहि काज कें पहिने भेल रहैत बतओलनि, लॉकडाउन चलते काज बाधित आ विलंबित भेल. आगामी किछु दिनक मध्य रंग-रोगन केर काज पूर्ण कएल जाएत. मिथिला क्षेत्र मे पर्यटन कें ई सब काज कएल जा रहल अछि. एही अंतर्गत साल 2018 मे जंक्शन केर सोझां 1913 इंग्लैंड-निर्मित भाप रेल इंजन जकरा पहिल लोकोमोटिव कहल जाइछ, स्थापित कएल गेल छल.
दड़िभंगा जंक्शन समस्तीपुर रेल मंडल अंतर्गत एकटा पुरान आ महत्वपूर्ण ठाम अछि. एतय सं देशक अधिकांश प्रमुख शहर लेल रेलसेवा संचालित होइछ. जहिना मिथिला पेंटिंग आ मैथिली भाषा मे घोषणा, बैनर-पोस्टर दड़िभंगा स्टेशन कें विशेष बनबैत अछि, तहिना मिथिला केर विरासति सं जुड़ल बाहरी स्वरूप केर सराहना भ' रहल छै. कने एकरत्ती स्टेशन परिसर स्थित शौचालय केर साफ-सफाइ पर सेहो रेलवे धियान देतै से अपेक्षा!
(मैथिली भाषा मे उपयोगी वीडियो देखबाक लेल मिथिमीडिया केर यूट्यूब चैनल सब्सक्राइब करू. अहां फेसबुक, ट्विटर आ इन्स्टाग्राम पर सेहो फॉलो क' सकै छी.)
