दिल्लीमे दलकै अछि दल-दल
शासनकेँ कूँजी अछि धनबल
कोयला माटिक तरे अछि दाबल
मुदा, धाह सँ जड़य अछि जनबल
नहि बहरायल कोयला गाड़ल
आगि मुदा, सौँसे अछि पसरल
धधरा तापि रहल अछि हँसिकऽ
लाज-लेहाज तियागि सेवादल
नीति-अनीति किछुओ नहि मानल
स्वार्थेवश अछि तंत्र बनाओल
से बजनिहार निर्माता पर
नेताजन-स्वर एक्कहि गाओल
आब राजा-सुरेश नहि एकल
मन्नू संग बहुतो बाँहि पूड़ल
भीतर-बाहर दुनू सँ जड़िकऽ
दल-दलमे निज देश फँसल
त्यागपत्रकेँ बात नै मानल
पुछने, वाकयुद्ध अछि ठानल
पाबि आदेश मैडम सँ देखू
मंत्रीगण जयघोष भरल
अर्थोन्नतिक माध्यम बनल छल
पाथर-कारी, तैयो सोना नाम पड़ल
शासक मूँहपर करिखा पोतल
उच्च-पदक सम्मान खसल ।
खदान-मजूरक अधिकार नै भेटल
जड़ि-जड़ि पेटक आगि मिझायल
कोना पचाओत ओ' खद्धर-तर
जाड़निए सँ जे पेट भरल
संसद-सड़क द्रोह-स्वर गुंजल
तैयो बाट कोनो नहि भेटल
जन-चेतनमे अलख जगाबए
सत्यक बाट लेखनी चलल
— संतोषी कुमार
शासनकेँ कूँजी अछि धनबल
कोयला माटिक तरे अछि दाबल
मुदा, धाह सँ जड़य अछि जनबल
नहि बहरायल कोयला गाड़ल
आगि मुदा, सौँसे अछि पसरल
धधरा तापि रहल अछि हँसिकऽ
लाज-लेहाज तियागि सेवादल
नीति-अनीति किछुओ नहि मानल
स्वार्थेवश अछि तंत्र बनाओल
से बजनिहार निर्माता पर
नेताजन-स्वर एक्कहि गाओल
आब राजा-सुरेश नहि एकल
मन्नू संग बहुतो बाँहि पूड़ल
भीतर-बाहर दुनू सँ जड़िकऽ
दल-दलमे निज देश फँसल
त्यागपत्रकेँ बात नै मानल
पुछने, वाकयुद्ध अछि ठानल
पाबि आदेश मैडम सँ देखू
मंत्रीगण जयघोष भरल
अर्थोन्नतिक माध्यम बनल छल
पाथर-कारी, तैयो सोना नाम पड़ल
शासक मूँहपर करिखा पोतल
उच्च-पदक सम्मान खसल ।
खदान-मजूरक अधिकार नै भेटल
जड़ि-जड़ि पेटक आगि मिझायल
कोना पचाओत ओ' खद्धर-तर
जाड़निए सँ जे पेट भरल
संसद-सड़क द्रोह-स्वर गुंजल
तैयो बाट कोनो नहि भेटल
जन-चेतनमे अलख जगाबए
सत्यक बाट लेखनी चलल
— संतोषी कुमार
