ABOUT MITHIMEDIA - मिथिमीडिया

ABOUT MITHIMEDIA

मिथिमीडिया मैथिलीक डिजिटल समाद स्रोत अछि. एकर मूल स्वर भाषा-साहित्य, संस्कृति छै. एहि माध्यम सं साहित्य, सिनेमा, कला-संस्कृति, राजनीति, तकनीक, व्यवसाय आदि विविध विषयक समाचार-विचार प्रसारित कएल जाइत अछि. संगहि ई मिथिला, मैथिली ओ मैथिलक संस्था, अभियान व कार्यक्रमक ऑनलाइन प्रचारक काज सेहो करैत अछि.

मिथिमीडियाक औपचारिक शुरुआत 15 अगस्त 2012 कें भेल. मैथिलीक एहि लोकप्रिय डिजिटल मीडिया प्लेटफॉर्म केर संस्थापक तथा संपादक रूपेश त्योंथ छथि. भाषा-साहित्य मे रुचि रखनिहार रूपेश कोलकाता बेस्ड आइटी प्रोफेशनल ओ डिजिटल पत्रकार छथि. 

रूपेश विगत एक दशक सं मैथिली दैनिक 'मिथिला समाद' ओ पत्रिका समूह सहित कतिपय मीडिया संस्थान सं जुड़ल रहल छथि. मैथिली मे एखन धरि हिनक दू गोट पोथी 'एक मिसिया' (कविता संग्रह) ओ 'खुरचनभाइक कछमच्छी' (व्यंग्य संग्रह) प्रकाशित छनि. संगहि ई संस्कृति मंत्रालय (भारत सरकार)क सहयोग सं मैथिली व्यंग्य साहित्य पर शोधकार्य क' रहल छथि. 

अनेको रचनाशील युवा मिथिमीडिया सं कंट्रीब्यूटरक रूप मे जुड़ल छथि आ पाठक लेल चुनल आ उपयोगी अपडेट उपलब्ध करबैत छथि. एहि प्लेटफॉर्म कें मजगूत करबाक लेल अपने सेहो मिथिमीडिया सं जुड़ि सकै छी. कंटेंट कंट्रीब्यूटर बनबाक हो, विज्ञापन देबाक हो वा कोनो तरहक पार्टनरशिप करबाक हो त' सोझे mithimedia@gmail.com पर मेल पठाबी.

मैथिली सेवा हेतु संपर्क:
वेबसाइट: www.mithimedia.in
इमेल: mithimedia@gmail.com
फेसबुक: https://www.facebook.com/mithimedia
ट्विटर: https://twitter.com/mithimedia
यूट्यूब: https://www.youtube.com/c/MithiMediaMaithiliNews


वेबसाइट पर बहुमूल्य समय देबा हेतु अपने कें धन्यवाद. चलू संगे किछु डेग जे वेब पर मैथिली कें बेहतरी दिस ल' जाएत. जय मैथिली!



Maintained by MiServices



Post Bottom Ad