हास्य कवि सम्मेलन मे शम्भू शिखर संग इस्सर देलनि प्रस्तुति - मिथिमीडिया - Maithili News, Mithila News, Digital Media in Maithili
हास्य कवि सम्मेलन मे शम्भू शिखर संग इस्सर देलनि प्रस्तुति

हास्य कवि सम्मेलन मे शम्भू शिखर संग इस्सर देलनि प्रस्तुति

Share This
कोलकाता मैथिली क्रियाकलापक जगजियार नाम विजय इस्सर बेगूसराय जा प्रशंसित भेलाह, सम्मानित भेलाह. ई कलकतिया मैथिल लेल अबस्से एकटा जरूरी समाद अछि. भूमिजा सांस्कृतिक केंद्र केर संस्थापक विजय इस्सर कइएक दशक सं मैथिली गीत-संगीत ओ साहित्यिक-सांस्कृतिक गतिविधि सं जुड़ल रहल छथि.

एहू लेल ई उल्लेखनीय भ' जाइछ जे ख्यातिप्राप्त हास्य कवि शम्भू शिखर संग विजय इस्सर ने मात्र मंच सझिया केलनि बल्कि ओतय प्रस्तुति सं अपन छाप छोड़बा मे सफल रहलाह. एहि अवसर पर हुनका सम्मानित सेहो कएल गेलनि. अवसर छल सलौना बड़ी ठाकुरबाड़ी मे आयोजित दू दिवसीय सांस्कृतिक कार्यक्रमक. पहिल दिन हास्य कवि सम्मेलन छल जाहि मे विजय इस्सर मैथिलीक प्रतिनिधित्व केलनि.


दोसर दिनक आयोजन सुर-संगीतक छल जाहि मे अंजना इस्सर गायिकी सं प्रशंसा बटोरलनि. हिनक प्रस्तुति सोशल मीडिया पर बेस शेयर कएल जा रहल अछि जे एतय देखि सकैत छी-



Post Bottom Ad