जराउ दीप हियक अन्हार बड बढलै - मिथिमीडिया - Maithili News, Mithila News, Digital Media in Maithili
जराउ दीप हियक अन्हार बड बढलै

जराउ दीप हियक अन्हार बड बढलै

Share This

सुनू दिमाग कहल संसार बड बढलै
जराउ दीप हियक अन्हार बड बढलै

कमाइ कम रहत कोना कँ चलतै की
कने विचार करू खेबार बड बढलै

सदति प्रयास करब आ हारि नै मानब
तँ जीत हैत सभक औजार बड बढलै

हँसी ठठामे रहि गेलहुँ बझल सभ क्यउ
किएक सोह रहत व्यापार बड बढलै

मसान साधि रहल राजीव जे सदिखन
तकर बिलमि कँ मुदा जयकार बड बढलै

— राजीव रंजन मिश्र

Post Bottom Ad