पोथीमे भगवान - मिथिमीडिया - Maithili News, Mithila News, Maithil News, Digital Media in Maithili Language
कतौ चमकैत सूरज बलवान
कतौ छपल छै जगमग चान
कतौ बुद्ध कतौ जेसस महान
कतौ गुरू गोविन्दक महिमाक बखान
कतौ प्रतिविम्ब खुदाक पाक कुरान
कतौ राम कतौ कृष्णक बथान
कतौ उदयन कतौ विद्यापतिक मचान
कतौ छै सलहेस अयाचीक शान
कतौ ज्ञानी मण्डन मिश्रक व्याख्यान
कतौ यात्री तँ कतौ चन्दाक गान
एकरे रटि-रटि पाबी सम्मान
एकरे सङगतिसँ भेटय ज्ञान
माँ शारदाक इएह घर-दलान
गोर लागू, छथि पोथीमे भगवान

— अमित मिश्र

Post Bottom Ad