राजीव रंजन मिश्र केर गजल - मिथिमीडिया - Maithili News, Mithila News, Digital Media in Maithili
राजीव रंजन मिश्र केर गजल

राजीव रंजन मिश्र केर गजल

Share This
दिन पलटतय एक दिन अहाँ आस लगेने रहब
मोन जुरेतय विधना बस अहाँ बाट सजेने रहब

टाका पैसा गहना गुङिया काज ने दए अहिंठाँ ककरो
बात विचार ब्यबहार अहाँ बस नीक बनेने रहब

दुनिया कनय छैक सभतरि अपनहि खातिर ऐठाँ
लोकक नीक बेजाय मे अहाँ बस हाथ बटेने रहब

बड्ड काज करय छैक बुढ-पुरानक आशीष वचन
डेग डेग पर सभक आशिर्वाद माथ लगेने रहब

बहुत कठिन छैक आइ काल्हि चलब अहि महिपर
बुद्धि विचार विवेक अपन सभ ठाम बचेने रहब

नांगरि झाङिक' चलब जगती पर चालि छी कुकुरक
टोल परोसक हक हिस्सा लेल आबाज जगेने रहब

कैलहा सभटा बिसरत “राजीव" अहाँक लोक अपन
अप्पन आनक ने बोध राखि बस रंग जमेने रहब 

Post Bottom Ad