हम नेना बलक जोरगर छी - मिथिमीडिया - Digital Media Platform for Maithili speaking people
हम नेना बलक जोरगर छी

हम नेना बलक जोरगर छी

Share This
राजीव रंजन मिश्र केर एक बाल गजल

हम नेना मोनक सतगर छी
हम नेना बलक जोरगर छी

छी हम सराहल सभ तरहेँ
चच्चा नेहरूक पियरगर छी

ने मोन मे हमर छल प्रपंच
हम सुच्चा सोचक दमगर छी

माटि पानि केर खेलल कुदल
हम नेना देहक बलगर छी

बालो हम जगदानन्द भाखल
तै माटिक हम कपरगर छी

मिथिला मैथिली शान हमर यौ
से बातक हम ठेकनगर छी

'राजीव' मनाबैथ बाल दिवस
नेना भुटका लेल मोनगर छी

Post Bottom Ad