'मुखियाजी' दूरदर्शन पटना पर - मिथिमीडिया - Maithili News, Mithila News, Maithil News, Digital Media in Maithili Language
'मुखियाजी' दूरदर्शन पटना पर

'मुखियाजी' दूरदर्शन पटना पर

Share This
पटना. 'मुखियाजी' रिलीज होमय वला छल. एक मित्र (मैथिलानी) कें कहलियनि जे ई फिल्म जरूर देखब. त' ओ हरखित त' भेलीह मुदा दोसरे क्षण कहलीह जे सिनेमा हाल मे जा फिल्म देखब मना अछि. चाहियो क' अनुमति नहि भेटत. तखन कोशिश करब...मैथिली फिल्म छैक अनुमति भेटियो सकैत अछि. फेर फ़िल्मक प्रदर्शन भेल. मुदा तथापि बहुतो एहन दर्शक फिल्म देखय सं वंचित रहि गेल. तखन फेर बाजार मे लोक फ़िल्मक सीडी अयबाक बाट ताकय लागल.
दोसर दिस दर्शकक इहो उपराग रहैत अछि जे मैथिली फिल्म दरभंगा-मधुबनी आ जनकपुर मे प्रदर्शित होइत अछि मुदा मिथिला केर पैघ भाग फिल्म देखबा सं वंचित रहि जाइत अछि. मिथिला केर कोसी अंचल मे मैथिली फिल्म प्रदर्शन शाइते होइत अछि.
एहना मे मैथिल दर्शक लेल एक हर्खक क्षण बाट ताकि रहल अछि. मैथिली फिल्म 'मुखियाजी' केर प्रसारण शनिदिन, २२ सितम्बर २०१२ कें दूरदर्शनक पटना केंद्र द्वारा सांझ ४ बजे
सं कयल जायत. टीवी पर मैथिली फिल्म केर प्रसारण सं मिथिलाक समस्त दर्शक एकर आनंद उठा सकैत अछि.
(Report/Photo: मिथिमीडिया सिने ब्यूरो)

Post Bottom Ad